మసాజ్‌ పేరుతో రప్పించి నరకం చూపించారు!

May 15, 2022

మసాజ్‌ పేరుతో రప్పించి నరకం చూపించారు!

మసాజ్‌ థెరపిస్టుని నిర్బంధించి, అమానుషంగా వ్యవహరించిన ఫ్రెండ్స్‌
రంగంలోకి పోలీసులు, ముగ్గురు ఉన్మాద మహిళల అరెస్టు

హైదరాబాద్‌: మసాజ్‌ చేయించుకోవడానికి పిలిపించుకున్న ముగ్గురు మహిళలు మసాజ్‌ మహిళను చిత్రహింసలకు గురిచేసిన ఉదంతం హైదరాబాద్‌లో వెలుగులోకి వచ్చింది. ఆ ముగ్గురు మహిళలు ఇంకో మహిళను పళ్లతో కొరుకుతూ, విచిత్రంగా వ్యవహరించడంతో వారు లెస్బియన్లేమోనని అనుమానం వచ్చింది. అక్కడ చాలా మంది పురుషులు కూడా ఉండటంతో వ్యభిచార గృహాన్ని నిర్వహిస్తున్నారన్న అనుమానమూ రాకపోలేదు. ఏదైతేనేం, పోలీసులు వారిని అరెస్టు చేసి మహిళను రక్షించారు. విచిత్రమేమిటంటే, మసాజ్‌కు వచ్చిన యువతి కూడా వారికి స్నేహితురాలే కావడం. ఈ ఉదంతానికి సంబంధించి జూబ్లీహిల్స్‌ పోలీసులు పూర్తి వివరాలు వెల్లడిరచారు. ముంబయిలో నివసిస్తున్న నృత్యకారిణి, మసాజ్‌థెరపిస్టు కాకులి బిశ్వాస్‌కు బంజారాహిల్స్‌లో నివసించే సంజన అనే అమ్మాయికి స్నేహితురాలు. తనకు తెలిసిన వారికి మసాజ్‌ చేయడానికి వస్తే ఎక్కువ డబ్బులు ఇస్తారని సంజన చెప్పడంతో బిశ్వాస్‌ అంగీకరించింది. ఈనెల 9న సంజన ఆమెకు దిల్లీ నుంచి విమాన టిక్కెట్‌ బుక్‌ చేయడంతో హైదరాబాద్‌లోని సంజన నివాసానికి చేరుకొంది. ఆ మరుసటి రోజున అంటే10వ తేదీన సంజన స్నేహితులు కోమటి, సునీత సైతం వచ్చారు. అనంతరం తనకు తెలిసిన వారికి మర్దనతో పాటు శారీరక సుఖం అందిస్తే డబ్బులే డబ్బులని సంజన చెప్పడంతో బిశ్వాస్‌, మిగిలిన ఇద్దరూ అంగీకరించారు. ఒప్పందం మేరకు, 12న బిశ్వాస్‌ క్యాబ్‌లో జూబ్లీహిల్స్‌లోని ఓబుల్‌రెడ్డి పాఠశాల సమీపంలోని ఓ నివాసానికి వెళ్లింది. అప్పటికే అక్కడికి కోమటి, సునీతతో పాటు మరో అయిదుగురు పురుషులు వచ్చారు. అక్కడ కోమటి, సునీతలు బిశ్వాస్‌తో గొడవకు దిగారు. తేడా వచ్చింది. కోరుకున్న విధంగా ఉండటం లేదని, సెక్సీగా మసాజ్‌ చేయడంలేదని బిశ్వాస్‌పై దాడికి పాల్పడ్డారు. దీంతో ఆమె డయల్‌ 100కు ఫోన్‌ చేసింది. జూబ్లీహిల్స్‌ పోలీసులు వచ్చి సర్దిచెప్పారు. మరుసటి రోజు(13న) ఉదయం సంజన ఇంటికి వచ్చిన కోమటి, సునీతలు బిశ్వాస్‌ గురించి చెప్పారు. దీంతో ముగ్గురూ బిశ్వాస్‌తో మరోసారి గొడవకు దిగారు. బిశ్వాస్‌ పోలీసులకు ఫిర్యాదు చేస్తానంటూ హెచ్చరించడంతో వ్యవహారం ముదిరింది. దీంతో ఆ ముగ్గురూ కలిసి బిశ్వాస్‌ను బంధించారు. దుస్తులు తొలగించి వివస్త్రను చేశారు. బేర్‌బాడీతో ఆమె ఎక్కడికీ పారిపోకుండా గదిలో నిర్బంధించారు. కొట్టడమే కాకుండా పళ్లతో కొరికారు. గాట్లు పెట్టారు. ఒళ్లంతా నొక్కేసి హూనం చేశారు. ఇంకా ఏవేవో చేశారు. అలాగే, తలపై హెయిర్‌ డయర్‌, ఒంటిపై శానిటైజర్‌ పోయడమే కాకుండా, కళ్లలో, నోటిలో, నడుం కింది భాగంలో స్ప్రే కొట్టారు. దీంతో బాత్‌రూంలోకి వెళ్లిన బిశ్వాస్‌ తలుపులు వేసుకొంది. శనివారం ఉదయం కిటికీ నుంచి ఏదో ఒక విధంగా బయట పడి.. అక్కడి నుంచి స్థానిక ఆసుపత్రికి వెళ్లి, అటు నుంచి బంజారాహిల్స్‌ ఠాణాకు వెళ్లి ఫిర్యాదు చేసింది. పోలీసులు కేసు నమోదు చేసి సంజనతో పాటు కోమటి, సునీతలను అరెస్ట్‌ చేసి రిమాండ్‌కు తరలించారు. అయితే బిశ్వాస్‌ బయటకు చెప్పుకోలేని పనులు చాలా చేశారన్న ఆరోపణలు వున్నాయి. (Story: మసాజ్‌ పేరుతో రప్పించి నరకం చూపించారు!)