ఇక నుంచి హైదరాబాద్‌లో 24 గంటలు బస్సులు

May 14, 2022

ఇక నుంచి హైదరాబాద్‌లో 24 గంటలు బస్సులు

TSRTC: హైదరాబాద్‌లో ఓ పదేళ్లు ఉంటే చాలు…ఆ నగరాన్ని వదలబుద్దికాదు. అందుకే భారతదేశంలో అత్యంత నివాసయోగ్యమైన, అనుకూలమైన నగరాల్లో ఒకటిగా హైదరాబాద్‌ పేరుప్రఖ్యాతులు గడిరచింది. కారణమేమిటంటే, హైదరాబాద్‌ నగరంలో ఉన్న సౌకర్యాలు ఇంకే నగరంలోనూ వుండవు. ప్రధానంగా ఆర్‌టీసీ బస్సులు అధికంగా వుంటాయి. ఎక్కడికి వెళ్లాలన్నా సామాన్యుడు కాస్త నిరీక్షిస్తే చాలు…జంట నగరాల్లో ఎంతదూరమైనా తక్కువ వ్యయంతో వెళ్లిపోవచ్చు. మెట్రో రైలు వచ్చాక ఆ ఫెసిలిటీ ఇంకా సౌలభ్యమైంది. భాగ్యనగరంలో ఆర్‌టీసీ బస్సు ఉపయోగం అంతా ఇంతా కాదు. ప్రతి సామాన్యునికీ, ఉద్యోగికీ తన జీవితంలో ఆర్‌టీసీ చాలా కీలకంగా మారింది. తాజాగా ఆర్‌టీసీ అద్భుతమైన నిర్ణయం తీసుకున్నది. ఇకముందు 24 గంటలూ నగరంలో బస్సులు నడపాలన్నదే ఆ నిర్ణయం. ఇదొక చారిత్రాత్మక నిర్ణయమే అవుతుంది. హైదరాబాద్‌లో చాలామంది ఆఫీస్‌లకు, స్కూల్స్‌, కాలేజ్‌, ఇతరత్రా పనుల నిమిత్తం వెళ్ళేవాళ్ళు ఎక్కువగా బస్సుల్లోనే ప్రయాణిస్తుంటారు. అయితే కొన్ని కొన్ని సార్లు వెళ్లిన పని ఆలస్యమైతే బస్సులు ఉండవని కంగారు పడుతుంటారు. రాత్రి 11 తర్వాత దాదాపు బస్సులు వుండవని చెప్పవచ్చు. అందుకే ప్రయాణికుల డిమాండ్‌, రద్దీ ఉన్న రూట్లలో అర్ధరాత్రి 12 నుంచి తెల్లవారు జామున 4 గంటల వరకు ఈ బస్సులు అందుబాటులో ఉండనున్నాయి. ఈ బస్సులు డిపోలకు చేరుకొనే సమయానికి రెగ్యులర్‌ బస్సులు తిరిగి రోడ్డెక్కుతాయి. దీంతో 24 నాలుగు గంటల పాటు ప్రయాణికులు ఆర్టీసీ సేవలు అందుబాటులో ఉంటాయన్నమాట! ఇప్పటికే పలు మార్గాల్లో నైట్‌బస్సులు ప్రయోగాత్మకంగా నడుపుతున్న ఆర్టీసీ.. ప్రయాణికుల నుంచి కూడా మంచి స్పందన లభిస్తోందని వెల్లడిరచింది. రాత్రి వేళల్లో ఆలస్యంగా నగరానికి చేరుకొనే ప్రయాణికులు, తెల్లవారు జామునే దూరప్రాంతాలకు బయలుదేరేవారికి ఈ బస్సులు అనుకూలంగా ఉంటాయి. అర్ధరాత్రి నగరానికి చేరుకొనే ప్రయాణికులు ఆటోలు, క్యాబ్‌లలో వెళ్లేందుకు పెద్ద మొత్తంలో చెల్లించవలసి వస్తోంది. ఇకముందు ఈ బేజారు లేకుండా అర్థరాత్రి తర్వాత బస్సులు ఏర్పాటు చేస్తున్నామని, డిమాండ్‌ను బట్టి వాటిని పెంచుతామని ఆర్టీసీ సికింద్రాబాద్‌ రీజనల్‌మేనేజర్‌ వెంకన్న తెలిపారు. ఈ ప్రయోగం సఫలమైతే, టీఎస్‌ఆర్‌టీసీ చరిత్రలో ఇదొక మైలురాయిగా నిలుస్తుంది. (Story: ఇక నుంచి హైదరాబాద్‌లో 24 గంటలు బస్సులు)