80% కేసుల్లో భర్తలే నేరస్తులు

May 8, 2022

80% కేసుల్లో భర్తలే నేరస్తులు

Crimes against Women: ఇటీవల విడుదల చేసిన జాతీయ కుటుంబ ఆరోగ్య సర్వే పలు ఆసక్తికరమైన విషయాలను వెల్లడిరచింది. దేశంలో మహిళల పట్ల శారీరక, గృహహింస కేసులు తీవ్రస్థాయిలో పెరుగుతున్నాయని పేర్కొంది. దేశంలో మహిళలపై జరుగుతున్న శారీరక, లైంగిక హింసలు అంశంపై జాతీయ కటుంబ ఆరోగ్య సర్వే-5 నిర్వహించింది. ఈ సర్వే 18-49 ఏళ్ల వయస్సు గల మహిళలను అధికశాతం సర్వేలో భాగస్వాములను చేసింది. వివిధ కోణాల నుంచి ప్రశ్నావళిని తయారు చేసి విషయాలను సేకరించింది. ప్రభుత్వ శాఖల నుంచి కూడా వివరాలను సేకరించింది. విశేషమేమిటంటే, ఈ కేసుల్లో పురుషులు నిందితులేనన్న విషయం అందరికీ తెల్సిందే. కాకపోతే ఈ నేరస్తుల్లో ఎక్కువమంది భర్తలే వున్నట్లు ఈ సర్వే తెల్చింది. 80 శాతం కేసుల్లో భర్తలే నిందితులుగా, నేరస్తులుగా వున్నట్లు నిర్ధారణయింది. శారీరక, లైంగిక హింసను అనుభవించిన మహిళల్లో కేవలం 14 శాతం మంది మాత్రమే సమస్యను బహిరంగపర్చి నిందితులపై చట్టరిత్యా చర్యలకు దిగుతున్నారు. మహిళలపై గృహహింస అత్యధికంగా కర్ణాటకలో (48%), ఆ తర్వాతి స్థానాల్లో బీహార్‌, తెలంగాణ, మణిపూర్‌, తమిళనాడు ఉన్నాయి. అతి తక్కువ గృహహింస లక్షదీప్‌లో (2.1%)గా ఉన్నట్లు పేర్కొంది. మహిళలపై లైంగికదాడులు పట్టణ ప్రాంతాల్లో 24%, గ్రామీణ ప్రాంతాల్లో 32% జరుగుతున్నాయి. పాఠశాల విద్య పూర్తి చేసిన 18% మందితో పోలిస్తే 40% మంది మహిళలు శారీరక హింసకు గురవుతున్నారని, అయితే పేద వర్గాల స్త్రీల్లో 39 శాతం, ధనిక వర్గాల్లో 17% మంది స్త్రీలు గృహ, లైంగిక హింసను ఎదుర్కొంటున్నట్లు సర్వే వెల్లడిరచింది. చిన్నారులపైనా కామాంధులు లైంగిక దాడులకు పాల్పడుతున్న ఘటనలు వెలుగులోకి వస్తున్నాయి.18-19 వయస్సు కలిగిన వారికంటే 40-49 సంవత్సరాల వయస్సు గల మహిళలు ఎక్కువ లైంగిక, శారీరక హింసను అనుభవిస్తున్నారని తేలింది.

మొత్తంగా చెప్పిందేమిటంటే, భారతదేశంలోని దాదాపు మూడిరట ఒకవంతు మంది మహిళలు శారీరక, లైంగిక హింసను చవిచూశారని నిర్ధారణయింది.కాకపోతే, ఇదివరకటి కన్నా దేశంలో మహిళలపై గృహహింస 31.2% నుండి 29.3%కి తగ్గింది. అయితే 18-49 సంవత్సరాల మధ్య వయస్సుగల 30% మహిళలు 15 సంవత్సరాల వయస్సు నుండి శారీరక హింసను అనుభవించారని, అయితే 6%మంది తమ జీవితకాలంలో లైంగిక హింసను అనుభవించారని వెల్లడైంది. (Story: 80% కేసుల్లో భర్తలే నేరస్తులు)